Քաղաքականություն
14.02.2025 | 18:41
Հռոմի պապ Ֆրանցիսկոսը հոսպիտալացվել է՝ բրոնխիտի բուժման համար։
«Հռոմի Ֆրանցիսկոս պապն ընդունվել է Agostino Gemelli կլինիկա՝ ախտորոշիչ թեստեր անցնելու և բրոնխիտի բուժումը շարունակելու համար»,- հայտնել է Սուրբ Աթոռի մամուլի գրասենյակը, փոխանցում է Ինտերֆաքսը։
Հոսպիտալացման պատճառով կաթոլիկ քահանայապետը ստիպված է եղել չեղարկել Սլովակիայի վարչապետ Ռոբերտ Ֆիցոյի և CNN-ի գլխավոր տնօրեն Մարկ Թոմսոնի հետ նախատեսված հանդիպումները։
Հռոմի պապն անցյալ ամիս հիվանդացել էր բրոնխիտով։ Ներկայում հիվանդությունը քրոնիկ է դարձել։ Չնայած հիվանդությանը՝ քահանայապետը պոնտիֆիկոսը պնդել էր, որ անցած կիրակի իտալական բանակի տարեդարձի կապակցությամբ պատարագը պետք է ինքը նախագահի: Սակայն, ինչպես հաղորդում է Il Messaggero թերթը, արարողությունից հետո Հռոմի Ֆրանցիսկոս պապի ինքնազգացողությունը կտրուկ վատացել է։
Հռոմի Ֆրանցիսկոս պապը, որը ներկայում 88 տարեկան է, բոլոր ժամանակների ամենաերկարակյաց կաթոլիկ քահանայապետն է՝ Հռոմի Պապ Լեո XII-ից հետո, որը մահացել է 1903 թվականին 93 տարեկանում:
Թարգմանությունը՝ Տաթև Ֆռանգյանի
