08.04.2025 | 23:27
Փարիզի քաղաքային խորհուրդը Ստամբուլի կալանավորված քաղաքապետին պատվավոր քաղաքացու կոչում է շնորհել
ՌԴ-ն չի հերքում ՀՀ ինքնիշխան իրավունքը․ Զախարովան մեկնաբանել է ԵՄ-ին անդամակցության ուղղված ՀՀ քայլերը․ ՏԵՍԱՆՅՈՒԹ
Քաղաքականություն
14.02.2025 | 17:26
Խոսքը ՀՀ ինքնիշխան ընտրության մասին է, և ՌԴ-ն այն չի հերքում, սակայն նորմատիվ-իրավական հիմքերը և սակագնային համակարգերը, որոնց հիման վրա կառուցվում է փոխգործակցությունը ԵՄ-ի և ԵՏՄ-ի ներսում, կրում են փոխադարձ բացառվման բնույթ, և այստեղ հարցը քաղաքական նախապատվությունը չէ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ԵՄ-ին անդամակցությանն ուղղված Հայաստանի քայլերը։
«Այս խնդիրների բարձրաձայնումից խուսափելը, այն կոծկելու և այս կարևոր նրբերանգը չտեսնելու փորձերը իրականության ժխտում են և, հնարավոր է, ինչ-որ չափով ապատեղեկատվություն նրանց կողմից, ովքեր առաջարկում են համապատասխան որոշումներ ընդունել։ Խոսքը վերաբերում է Հայաստանի ինքնիշխան ընտրությանը, և Ռուսաստանը դա չի հերքում։ Սակայն Հայաստանի ներկայիս իշխանություններն են, այլ ոչ թե Ռուսաստանը և ԵՏՄ-ն, որ կրում են հիմնական պատասխանատվությունը՝ բնակչությանը բացատրելու իրենց ծրագրած քայլերի բոլոր հետևանքները»,- ասել է Զախարովան։
Հիշեցնենք, որ փետրվարի 12-ին ՀՀ ԱԺ-ն ձայների 63 կողմ և 7 դեմ հարաբերակցությամբ առաջին ընթերցմամբ ընդունեց ԵՄ-ին ՀՀ անդամակցության գործընթացի մեկնարկի մասին օրենքի նախագիծը:
Մանրամասները՝ տեսանյութում։
Տաթև Ֆռանգյան
