10.08.2026 | 13:31
ՔՊ-ից ովքեր են կողմ քվեարկել Արամ Վարդևանյանի թեկնածությանը
Ուկրաինան ԱՄՆ-ին է փոխանցել հազվագյուտ մետաղների վերաբերյալ գործընկերության հուշագրի նախագիծը
Քաղաքականություն
14.02.2025 | 16:41
Ուկրաինան ավարտել է Հազվագյուտ հողային մետաղների վերաբերյալ ԱՄՆ-ի հետ գործընկերության հուշագրի նախագիծը և այն հանձնել ամերիկյան կողմին, BBC-ին հայտնել է Մյունխենում ուկրաինական պատվիրակությունը։
Չորեքշաբթի կայացած հեռախոսազրույցի ընթացքում Ուկրաինայի նախագահ Վլադիմիր Զելենսկին և ԱՄՆ նախագահ Դոնալդ Թրամփը պայմանավորվել են, որ Ուկրաինան վերջնական տեսքի կբերի գործընկերության հուշագրի նախագիծը և այն կներկայացնի ամերիկյան կողմին։
Ուկրաինան հանձնել է փաստաթուղթը, ամերիկյան կողմը ժամանակ է խնդրել մինչև ուրբաթ ժամը 17:00-ն՝ դրա վրա աշխատելու համար։
Թրամփն ավելի վաղ ասել էր, որ Վաշինգտոնը պետք է փոխհատուցում ստանա բնական ռեսուրսների հասանելիության տեսքով այն բազմամիլիարդանոց օգնության համար, որը տրամադրում է Ուկրաինային ռուսական ագրեսիայի դեմ պայքարում։
Նշենք, որ Մյունխենում այսօր մեկնարկում է անվտանգության ամենամյա միջազգային համաժողովը։ Գլխավոր թեման այս անգամ լինելու է ԱՄՆ նախագահ Դոնալդ Թրամփի՝ Ուկրաինայի հարցով Ռուսաստանի հետ խաղաղ բանակցություններ սկսելու փորձերը։
Թարգմանությունը՝ Տաթև Ֆռանգյանի
