19.02.2026 | 23:55
Եպիսկոպոսաց հավաքը հանդես է եկել հայտարարությամբ
ԱՄՆ-ը պատժամիջոցներ է կիրառել ՄՔԴ դատախազ Քարիմ Խանի նկատմամբ
Քաղաքականություն
13.02.2025 | 21:25
ԱՄՆ Ֆինանսների նախարարության օտարերկրյա ակտիվների վերահսկման գրասենյակն (OFAC) իր պատժամիջոցների ցանկում ներառել է Միջազգային քրեական դատարանի (ICC) դատախազ Քարիմ Խանին։ ԱՄՆ նախագահի պաշտոնը ստանձնելուց հետո Դոնալդ Թրամփը ստորագրել է գործադիր հրաման, որը պատժամիջոցներ է սահմանում ՄՔԴ-ի դեմ՝ Վաշինգտոնի և նրա դաշնակիցների, այդ թվում՝ Իսրայելի դեմ դատարանի գործողությունների համար:
Քարիմ Խանը բրիտանացի իրավաբան է, որը 2021 թվականի հունիսի 16-ից աշխատում է որպես ՄՔԴ դատախազ:
Դոնալդ Թրամփի հրամանագրի համաձայն՝ ԱՄՆ-ը պատժամիջոցներ կսահմանի «ՄՔԴ-ի դեմ խախտումների համար»։ Սահմանափակումները ներառում են ակտիվների սառեցում և ԱՄՆ մուտքի արգելք:
Դոնալդ Թրամփը պնդում է, որ ՄՔԴ-ն «անօրինական և անհիմն գործողություններ է կատարել Ամերիկայի դեմ» և «չարաշահել է իր իշխանությունը՝ անհիմն օրդեր տալով» Իսրայելի վարչապետ Բենիամին Նեթանյահուի և պաշտպանության նախկին նախարար Յոավ Գալանտի ձերբակալման համար։ Միջազգային քրեական դատարանը դատապարտել է Թրամփի որոշումը։
Թարգմանությունը՝ Տաթև Ֆռանգյանի
