14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Բավարիայի վարչապետը չի բացառել, որ Մյունխենում ցուցարարների վրաերթը ահաբեկչություն է
Քաղաքականություն
13.02.2025 | 19:14
Գերմանական Բավարիայի վարչապետ Մարկուս Զյոդերը ենթադրել է, որ Մյունխենում ցուցարարների ամբոխի մեջ մեքենայի մխրճվելը կարող էր ահաբեկչություն լինել: Նրա խոսքով՝ Գերմանիայում ապաստան խնդրած Աֆղանստանի քաղաքացին կարող էր կանգնած լինել Մյունխենում տեղի ունեցածի հետևում։
«Մի բան պետք է ասեմ հիմա՝ սա, հավանաբար, ահաբեկչություն էր», – լրագրողներին ասել է Մարկուս Զյոդերը, փոխանցում է AFP-ն:
Ըստ նրա՝ այդ մասին են վկայում առկա տեղեկությունները։
«Բոլոր այլ մանրամասները դեռ պետք է ուսումնասիրվեն, կասկածյալն Աֆղանստանի քաղաքացի է։ Մենք կպարզենք բոլոր մանրամասները»,- հավելել է վարչապետը։
Այսօր առավոտյան Բավարիայի դաշնային նահանգի մայրաքաղաք Մյունխենում մեքենան վրաերթի է ենթարկել Ver.di արհմիության կողմից իրականացվող բողոքի ցույցի մասնակիցներին։ Տեղական ժամանակով 10:30-ի սահմաններում տեղի ունեցած միջադեպի հետևանքով տուժել է առնվազն 28 մարդ: Վարորդը բերման է ենթարկվել։
Թարգմանությունը՝ Տաթև Ֆռանգյանի
