09.05.2025 | 10:25
Այս պահին մեր դիրքորոշման փոփոխություն չկա. ԱԳ փոխնախարարը` այսպես կոչված, միջանցքի մասին․ ՏԵՍԱՆՅՈՒԹ
ՆԱՏՕ-ի գլխավոր քարտուղարը Պուտին-Թրամփ հեռախոսազրույցը որպես Ուկրաինայի հարցով բանակցությունների սկիզբ է դիտարկում
Քաղաքականություն
13.02.2025 | 14:51
ՆԱՏՕ-ի գլխավոր քարտուղար Մարկ Ռյուտեն կարծում է, որ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի բանակցությունները հաջող են անցել։ Նա նշել է, որ փետրվարի 12-ին տեղի ունեցած հեռախոսազրույցը Ուկրաինայի հարցով բանակցությունների մեկնարկի «տպավորություն է ստեղծում»։
ՆԱՏՕ-ի պաշտպանության նախարարների հետ հանդիպումից առաջ մամուլի ասուլիսում Մարկ Ռյուտեին հարցրել են, թե ինչպե՞ս է գնահատում Ռուսաստանի Դաշնության և ԱՄՆ-ի նախագահների բանակցությունները։
«Լավ հեռախոսազրույց էր: Մենք բոլորս ցանկանում ենք խաղաղություն Ուկրաինայում»,- պատասխանել է Ռյուտեն՝ հավելելով, որ Ուկրաինան պետք է ներգրավվի երկխոսության մեջ։
Ռուսաստանի նախագահի հետ հեռախոսազրույցից հետո Դոնալդ Թրամփը հայտարարել է Ուկրաինայի հարցով բանակցությունների «անհապաղ մեկնարկի» մասին։ Սպիտակ տունը բանակցությունների արդյունքները որակել է որպես «շատ դրական»՝ նշելով, որ Միացյալ Նահանգները հավատարիմ է խաղաղ համաձայնագրի հասնելուն: Կրեմլը որպես հիմնական խնդիր մատնանշել է հակամարտության կարգավորման հետագա համատեղ աշխատանքի անհրաժեշտությունը։
Թարգմանությունը՝ Տաթև Ֆռանգյանի
