08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իսրայելի ԱԳՆ-ն մեկնաբանել է ՀԱՄԱՍ-ի կողմից պատանդների փոխանակումից հրաժարվելու որոշումը
Քաղաքականություն
12.02.2025 | 22:27
Փետրվարի 15-ին նախատեսված պատանդների փոխանակումից հրաժարվելու՝ պաղեստինյան ՀԱՄԱՍ շարժման որոշումը նշանակում է պատերազմին վերադառնալու որոշում։ Այս մասին հայտարարել է Իսրայելի արտգործնախարար Գեդեոն Սաարը Եվրամիության երկրների դեսպանների հետ հանդիպման ժամանակ, փոխանցում է ՌԻԱ Նովոստին։
«Պատանդներին չազատելու՝ ՀԱՄԱՍ-ի որոշումը նշանակում է պատերազմի վերադառնալու որոշում, մինչ այժմ մենք միակողմանի ոչինչ չենք արել։ Մենք պատրաստ ենք նաև այն բանին, որ ՀԱՄԱՍ-ը կփորձի հարձակվել Իսրայելի վրա»,- ասել է նա։
Ավելի վաղ պաղեստինյան ՀԱՄԱՍ շարժման ռազմական թևի խոսնակ Աբու Ուբեյդան հայտարարել էր, որ խմբավորումը որոշել է հետաձգել պատանդների ազատ արձակումը, որը նախատեսված էր շաբաթ օրը, «Իսրայելի կողմից համաձայնագիրը չկատարելու պատճառով»:
Ի պատասխան՝ Իսրայելի վարչապետ Բենիամին Նեթանյահուն ասել է, որ կվերսկսեն պատերազմը Գազայում, եթե պաղեստինյան ՀԱՄԱՍ շարժումը մինչև փետրվարի 15-ի կեսօրը ազատ չարձակի պատանդներին։
Թարգմանությունը՝ Տաթև Ֆռանգյանի
