20.02.2026 | 12:04
Արշակ արքեպիսկոպոսին վերագրվող տեսանյութերի փորձաքննության արդյունքների առնչությամբ ասուլիս. ՈՒՂԻՂ
Թրամփը ԱՄՆ ֆինանսների նախարարին ուղարկում է Ուկրաինա՝ բանակցությունների
Քաղաքականություն
12.02.2025 | 13:42
ԱՄՆ ֆինանսների նախարար Սքոթ Բեսենթը կայցելի Կիև՝ Ուկրաինայի նախագահ Վլադիմիր Զելենսկիի հետ բանակցություններ վարելու։ Այս մասին հայտնել է ԱՄՆ նախագահ Դոնալդ Թրամփը «Truth Social» սոցիալական ցանցում գրառմամբ։
«Ֆինանսների նախարար Սքոթ Բեսենթին ուղարկել Ուկրաինա՝ հանդիպելու նախագահ Զելենսկիի հետ: Այս պատերազմը պետք է և շուտով կավարտվի․ չափազանց շատ մահեր և ավերածություններ են գրանցվել: ԱՄՆ-ը միլիարդավոր դոլարներ է ծախսել ամբողջ աշխարհում, բայց և քիչ բան ունի ցույց տալու համար: Երբ Ամերիկան ուժեղ է, աշխարհը խաղաղության մեջ է»,- գրել է Թրամփը:
Իր հերթին, Reuters գործակալությունը փետրվարի 11-ին հայտնել է, որ Բեսենթի այցն Ուկրաինա պետք է տեղի ունենա այս շաբաթ։ Վկայակոչելով աղբյուրին՝ լրագրողները նշում են, որ ԱՄՆ ֆինանսների նախարարության ղեկավարը պետք է Ուկրաինայի իշխանությունների հետ քննարկի ԱՄՆ-ի հասանելիությունը հազվագյուտ հողային մետաղների հանքավայրերին, էներգառեսուրսներին և էներգետիկ ոլորտում առկա ակտիվներին: Քննարկումը կվերաբերի նաև Ուկրաինայի որոշ պետական ձեռնարկությունների, հավելել է աղբյուրը, որը ցանկացել է անանուն մնալ։
Թարգմանությունը՝ Տաթև Ֆռանգյանի
