30.04.2026 | 10:52
Սամվել Կարապետյանի թիմակից Ալեքսան Ալեքսանյանն անցած տարեսկզբին ՔՊ-ին 2 մլն դրամի նվիրատվություն է արել
ԵՄ-ն 200 մլրդ եվրո կներդնի արհեստական բանականության զարգացման համար
Քաղաքականություն
11.02.2025 | 15:37
Եվրամիությունը նախատեսում է մոտ 200 միլիարդ եվրո ներդնել արհեստական բանականության զարգացման համար, հայտարարել է Եվրահանձնաժողովի նախագահ Ուրսուլա ֆոն դեր Լեյենը Փարիզում AI-ի գագաթնաժողովում։
«Այսօր ես կարող եմ հայտարարել InvestAI նախաձեռնության մեկնարկի մասի։ Մենք նպատակ ունենք մոբիլիզացնել Եվրոպայում արհեստական բանականության ոլորտում, ընդհանուր առմամբ, 200 միլիարդ եվրոյի ներդրում»,- ասել է նա:
Ավելի վաղ Financial Times-ը գրել էր, որ Ֆրանսիայի նախագահ Էմանուել Մակրոնը հայտարարել է արհեստական բանականության ոլորտում 109 միլիարդ եվրոյի հսկայական ներդրման մասին՝ երկրի ու Եվրոպայի դիրքերն ամրապնդելու գլոբալ տեխնոլոգիական մրցակցությունում:
Նշվում է, որ ֆինանսավորման մի մասը կտրամադրվի միջազգային գործընկերների կողմից։ Արաբական Միացյալ Էմիրությունները 50 միլիարդ եվրո կներդնի խոշոր սերվերային համալիրների կառուցման համար։ Կանադական Բրուքֆիլդն էլ 20 միլիարդ եվրո կներդնի արհեստական բանականության ենթակառուցվածքի զարգացման համար։
Թարգմանությունը՝ Տաթև Ֆռանգյանի
