10.08.2026 | 17:24
Բանավեճ Էդգար Ղազարյանի ու Վիլեն Գաբիելյանի միջև. ՏԵՍԱՆՅՈՒԹ
Թրամփը 25 տոկոս մաքսատուրք է սահմանել պողպատի և ալյումինի ներմուծման համար
Քաղաքականություն
11.02.2025 | 15:29
ԱՄՆ նախագահ Դոնալդ Թրամփը գործադիր հրաման է ստորագրել ներմուծվող պողպատի և ալյումինի համար 25 տոկոս մաքսատուրք սահմանելու մասին։
«Մեր երկրի համար կարևոր է մեր տարածքում պողպատի և ալյումինի արտադրությունը։ Խոսքը 25 տոկոս տուրքերի մասին է՝ առանց բացառությունների, անկախ նրանից, թե որ երկրից է։ Սա նշանակում է, որ մենք նորից հարուստ ենք լինելու»,- ասել է Թրամփը։
Բացի այդ, ԱՄՆ նախագահը հրամանագիր է ստորագրել «հյուսիսամերիկյան ստանդարտ» մտցնելու մասին։ Այն պահանջում է, որ ներմուծվող պողպատն ու ալյումինը ձուլված լինեն: Այսպիսով, ըստ Reuters-ի, սահմանափակվում է նվազագույն մշակված պողպատի ներմուծումը Չինաստանից ԱՄՆ։
Թրամփը նաև ասել է, որ շուտով կարող է լրացուցիչ մաքսատուրքեր սահմանել ներկրվող դեղերի և համակարգչային չիպերի համար։ Միաժամանակ, նա հայտարարել է՝ «դեմ չէ» այլ երկրների պատասխան քայլերին։
Առևտրի հարցերով խորհրդական Փիթեր Նավարոն ասել է, որ պողպատի և ալյումինի մաքսատուրքերը «կդադարեցնեն արտաքին դեմփինգը, կավելացնեն ներքին արտադրությունը և մեր պողպատի ու ալյումինի արդյունաբերությունները կդարձնեն Ամերիկայի տնտեսական և ազգային անվտանգության հիմքն ու հենարանը»:
Թարգմանությունը՝ Տաթև Ֆռանգյանի
