10.08.2026 | 14:20
Հայկ Առաքելյանը նշանակվել է ՀՀ շրջակա միջավայրի նախարարի տեղակալ
ԱՄՆ-ում Մեքսիկական ծոցը պաշտոնապես վերանվանել են Ամերիկյան ծոցի․ Google Maps-ում ևս անվանափոխություն է կատարվել
Քաղաքականություն
11.02.2025 | 13:30
ԱՄՆ Դաշնային ավիացիոն վարչությունը (FAA) հայտարարել է, որ կթարմացնի իր տվյալները և գծապատկերները՝ ցույց տալու համար «Ամերիկայի ծոց» և «ՄաքՔինլի լեռ» տեղանունները։ Այս մասին գրում է Newsweek-ը՝ նշելով, որ Google Maps-ն ավելի ուշ նույնպես նմանատիպ փոփոխություններ է կատարել։
ԱՄՆ նախագահ Դոնալդ Թրամփը երդմնակալությունից առաջ հանդես էր եկել Մեքսիկական ծոց անվանումը «Ամերիկյան ծոցով» փոխելու գաղափարով։ Իր պաշտոնավարման առաջին օրը Թրամփը համապատասխամ հրաման է ստորագրել։ Նա նաև Ալյասկայում գտնվող Դենալի գագաթին վերադարձրել է ՄաքՔինլի անվանումը։
Իր հերթին, Google-ը Maps հավելվածում պաշտոնականացրել է Մեքսիկական ծոցի անվանափոխումը Ամերիկայի ծոցի։
X-ում հրապարակված հայտարարության մեջ Google-ը նշել է, որ պահպանելու է անվանափոխությանը՝ որպես կառավարության պաշտոնական անունները հարգելու իր երկարամյա պրակտիկայի մաս:
«Մենք ունենք անվանափոխությունների կիրառման վաղեմի պրակտիկա, երբ դրանք թարմացվում են կառավարության պաշտոնական աղբյուրներում»,- ասում է հայտարարությունում։
Մեքսիկական ծոցի անվան փոփոխությունը կազդի նաև այլ տարածաշրջանների վրա: Ըստ Google-ի՝ երկու «կիրառելի անվանումներ կցուցադրվեն»։
«Երբ երկրների միջև պաշտոնական անունները տարբերվում են, քարտեզների օգտատերերը տեսնում են իրենց պաշտոնական տեղական անվանումը: Աշխարհում մնացած բոլորը տեսնում են երկու անուններն էլ: Սա կիրառվում է նաև այստեղ»,- նշել են ընկերությունից։
Թարգմանությունը՝ Էմմա Չոբանյանի
