02.05.2025 | 16:00
Չինաստանի նորանշանակ դեսպանը իր հավատարմագրերն է հանձնել ՀՀ նախագահին
Թրամփը ՀԱՄԱՍ-ին սպառնում է «դժոխքով»՝ իսրայելցի պատանդներին վերադարձնելուց հրաժարվելու համար
Քաղաքականություն
11.02.2025 | 12:40
ԱՄՆ նախագահ Դոնալդ Թրամփը պաղեստինյան արմատական ՀԱՄԱՍ շարժումից պահանջել է մինչև փետրվարի 15-ի կեսօր ազատ արձակել բոլոր իսրայելցի պատանդներին, գրում է DW-ի ռուսական ծառայությունը։
«Եթե այդ օրը ժամը 12:00-ին բոլոր պատանդները չվերադարձվեն, կարծում եմ, որ ժամանակն է չեղյալ համարել [հրադադարի համաձայնագիրը] և թույլ տալ, որ ամբողջ դժոխքը սկսվի»,- հայտարարել է Թրամփը:
Նախօրեին ՀԱՄԱՍ-ի ներկայացուցիչները հայտարարել էին, որ մտադիր են հետաձգել փետրվարի 15-ին նախատեսված պատանդների տեղափոխումը Իսրայել՝ վերջինիս կողմից հրադադարի պայմանները չկատարելու պատճառով։ Իսրայելի ենթադրյալ խախտումները ներառում են պաղեստինցիների՝ Գազայի հատվածի հյուսիսային շրջաններ վերադառնալու արգելքը և վրանների, վառելիքի, դեղորայքի և փլատակների մաքրման սարքավորումների մուտքն արգելափակելը:
Իսրայելի պաշտպանության նախարար Իսրայել Կացը ՀԱՄԱՍ-ի որոշումը անվանել է հրադադարի համաձայնագրի «ամբողջական խախտում» և Գազայի հատվածում իսրայելական ուժերին բերել է լիակատար պատրաստության:
Թարգմանությունը՝ Տաթև Ֆռանգյանի
