09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
«Մայր Հայաստան» խմբակցության` ակցիայի մաս կազմող մեքենան տեղափոխել են հատուկ պահպանվող տարածք
Քաղաքականություն
11.02.2025 | 00:39
Factor.am-ի տեղեկություններով` փետրվարի 10-ի երեկոյան պարեկային ծառայողները քաղաքապետարանի շենքի դիմացից հատուկ պահպանվող տարածք են տեղափոխել Երևանի ավագանու «Մայր Հայաստան» խմբակցության մեքենան:
Վերջին օրերին ընդդիմության ներկայացուցիչներն այդ մեքենայով շրջում էին Երևանում և քաղաքացիներին կոչ անում բոյկոտել տրանսպորտի նոր` 150 դրամ սակագինը:
Մեր աղբյուրը պնդում է, որ մեքենան կայանված է եղել թույլատրելի վայրում, իսկ հավանական պատճառ նշում է այն, որ փետրվարի 10-ին բողոքի իրազեկման ակցիա անելու ժամանակ այդ հատվածով անցել է Փաշինյանի շարասյունը: Գործակարգավարական խորհրդակցության ժամանակ էլ բոյկոտի կոչերը լսվել են նաև նիստերի դահլիճում:
ՆԳՆ-ից Factor.am-ին խոստացան մեկնաբանություն տալ առավոտյան:
Արփի Հակոբյան
