09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Իտալիայում խարդախները խոշոր գումարներ են հափշտակել ձեռնարկատերերից՝ AI-ի օգնությամբ նմանակելով նախարարի ձայնը
Քաղաքականություն
10.02.2025 | 20:37
Իտալիայում խոշոր ձեռնարկատերերը հեռախոսազանգեր են ստացել խարդախներից, որոնք ներկայացել են որպես պաշտպանության նախարար՝ խնդրելով մոտ մեկ միլիոն եվրո փոխանցել պետական կարիքների համար, փոխանցում է Euronews-ը։
Իտալիայում հեռախոսային խաբեբաները նմանակել են պաշտպանության նախարարի ձայնը՝ խոշոր գործարարներից և կորպորացիաների ղեկավարներից հսկայական գումարներ շորթելու համար: Երկրի մի շարք ամենահարուստ մարդիկ հեռախոսազանգեր են «ստացել» Գիդո Կրոզետոյից և նրա գործընկերներից՝ խնդրելով մոտ մեկ միլիոն եվրո փոխանցել Հոնկոնգում գտնվող բանկային հաշվին: Ենթադրվում էր, որ այդ գումարը պետք է օգտագործվեր Մերձավոր Արևելքում առևանգված իտալացի լրագրողներին ազատելու համար փրկագին վճարելու նպատակով։
Միլանի դատախազությունը հետաքննություն է սկսել խարդախության դեպքով։
«Անհեթեթ պատմությունը», ինչպես այն անվանել է Կրոզետոն X-ում իր գրառման մեջ, սկսվել է երեքշաբթի։
«Ինձ ասացին, որ մի հայտնի գործարար, որին ես անձամբ չեմ ճանաչում, ցանկանում է կապ հաստատել ինձ հետ։ Հեռախոսազրույցի ժամանակ նա ասել է, որ ավելի վաղ զանգահարել եմ իրեն, հետո գեներալ է զանգահարել, և շատ մեծ փոխանցում է կատարել այն հաշվեհամարին, որ իրեն տվել է այդ «գեներալը»», նշել է պաշտոնյան։
Կրոզետոն այս մասին հայտնել է ոստիկանությանը։
Թարգմանությունը՝ Տաթև Ֆռանգյանի
