20.02.2026 | 13:40
Աշխարհի գավաթ․ Հայ մարմնամարզիկները դուրս են եկել եզրափակիչ
Մոսկվան պատրաստ է Վաշինգտոնի հետ երկխոսության, այդ թվում՝ Ուկրաինայի հարցով
Քաղաքականություն
10.02.2025 | 18:11
ԱՄՆ նախագահ Դոնալդ Թրամփի վարչակազմը հետաքրքրություն է ցուցաբերում Ռուսաստանի հետ երկխոսությունը վերսկսելու հարցում, և Մոսկվան պատրաստ է դրան: Այս մասին հայտարարել է ՌԴ փոխարտգործնախարար Սերգեյ Ռյաբկովը, գրում է BBC-ի ռուսական ծառայությունը։
«Մենք պատրաստ ենք երկխոսության, ինչի մասին բազմիցս ասվել է, այդ թվում՝ պատրաստ ենք քննարկել կարգավորումն Ուկրաինայում, բայց միայն հավասար, փոխընդունելի հիմունքներով»,- ասել է նա։
Ռուսաստանն ու ԱՄՆ-ն ունեն որոշակի շփումներ արտաքին քաղաքականության գերատեսչությունների միջև, որոնց մանրամասները «իմաստ չկա բացահայտելու», ՌԻԱ Նովոստիին ասել է Ռյաբկովը։ Դեռևս չկա Պուտինի և Թրամփի շփումների ժամանակացույցը, սակայն Ռյաբկովը չի բացառել, որ իրավիճակի հստակեցմամբ պայմանավորվածություններ ձեռք կբերվեն այս հարցում։
«Կապի ուղիները կան, փակ չեն։ Դրանք գտնվում են աշխատանքային վիճակում։ Այլ բան է, որ մենք պայմանավորվածություններ չունենք ամենաբարձր մակարդակով, քաղաքական մակարդակով որևէ շփումների վերաբերյալ»,- ասել է Ռյաբկովը՝ հավելելով, որ «այդ ամենը լիովին հնարավոր է, և պարզ է, որ ռուսական կողմից կողմից կա պատրաստակամություն այս հարցում»։
Թարգմանությունը՝ Տաթև Ֆռանգյանի
