06.04.2025 | 22:02
Աշխարհի ամենաթանկարժեք կենտրոնական պաշտպանները
Ամեն ինչ անում են, որպեսզի մարդը հրաժարվի իր իրավունքները պաշտպանելուց. Արա Զոհրաբյան․ ՏԵՍԱՆՅՈՒԹ
Հասարակություն
10.02.2025 | 15:50
«Ամեն ինչ անում են, որպեսզի մարդը հրաժարվի իր իրավունքները պաշտպանելուց»,- այսօր լրագրողների հետ զրույցում կարծիք հայտնեց Փաստաբանների ակադեմիայի ռեկտոր Արա Զոհրաբյանը՝ անդրադառնալով հարկային օրենսգրքում տեղի ունեցած փոփոխություններին։
Նախկինում փաստաբանները շրջանառության հարկ էին վճարում, այսինքն՝ հարկվում էր նրանց եկամտի 5 %-ը, սակայն 2025 թվականի հունվարի 1-ից ուժի մեջ մտած փոփոխություններով փաստաբանները պետք է վճարեն ավելացած արժեքի հարկ՝ 20% և շահութահարկով՝ 18 %-ով։
«Այս իրավիճակը փակում է փաստաբանների կողմից քաղաքացիներին անվճար իրավաբանական օգնություն ցույց տալու ճանապարհը։ ԱԱՀ-ի ռեժիմը այսպիսի մի մոտեցում ունի․ եթե դու անհատույց ծառայություն ես մատուցում, ապա պետք է վճարես այդ ծառայության 20 %-ը։ Ոնց են հաշվում․ ասում են եթե չենք կարող որոշել ծառայության արժեքը, ապա համանման ծառայություններից հանելու ենք այդ գումարը և դրա նկատմամբ կիրառենք այդ 20 %-ը»,- ասաց Զոհրաբյանը՝ նշելով, որ
սա ստեղծելու է իրավիճակ, երբ փաստաբաններն այլևս հրաժարվելու են անվճար իրավաբանական ծառայություն մատուցելուց, ինչն էլ իր հերթին հանգեցնելու է մեկ այլ խնդրի՝ առանց այն էլ ծանրաբեռնված Հանրային պաշտպանի գրասենյակի ավելի մեծ ծանրաբեռնվածության։
Մանրամասները՝ տեսանյութում
Արաքս Մամուլյան
