09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մակրոնը Թրամփին զգուշացրել է՝ զերծ մնալ ԵՄ-ի հետ առևտրային պատերազմից
Քաղաքականություն
10.02.2025 | 14:39
Ֆրանսիայի նախագահ Էմանուել Մակրոնը համոզված է, որ Եվրամիությունից ներմուծվող ապրանքների համար ԱՄՆ մաքսատուրքերի սահմանումը կարող է վնասել ամերիկյան տնտեսությանը՝ գնաճ առաջացնելով։ CNN-ին տված հարցազրույցում Մակրոնը կոչ է արել Վաշինգտոնին, ԵՄ-ի հետ առևտրային պատերազմ սկսելու փոխարեն, կենտրոնանալ Չինաստանին, Մերձավոր Արևելքի ճգնաժամին և Ուկրաինայի պատերազմին դիմակայելու վրա։
«Եվրոպան ձեր դաշնակիցն է, և եթե ցանկանում եք, որ Եվրոպան ավելի շատ ներգրավված լինի ներդրումների, պաշտպանության և անվտանգության հարցերում, եթե հույս ունեք զարգացման, որը, կարծում եմ, բխում է Միացյալ Նահանգների շահերից, չպետք է վնասեք եվրոպական տնտեսությանը՝ սպառնալով մաքսատուրքերով»,- ընդգծել է Ֆրանսիայի նախագահը։
Ավելի վաղ ԱՄՆ նախագահ Դոնալդ Թրամփը սպառնացել էր ԵՄ-ին մաքսատուրքերով՝ պատճառաբանելով Եվրոպայի հետ առևտրային դեֆիցիտի կրճատման անհրաժեշտությունը: Ի պատասխան՝ ԵՄ-ն հայտարարել է, որ պատրաստ է հայելային պատասխանի:
Թարգմանությունը՝ Տաթև Ֆռանգյանի
