20.02.2026 | 15:30
Իրանում առնվազն 26 ցուցարար մահապատժի է դատապարտվել. Iran Human Rights
Ուկրաինայի ԶՈՒ-ն 5 կմ առաջ է շարժվել Կուրսկի մարզում. ISW
Քաղաքականություն
07.02.2025 | 15:09
ՌԴ Կուրսկի մարզում նոր հարձակման ժամանակ ուկրաինական զորքերը ճեղքել են ռուսական պաշտպանությունը և առաջ շարժվել Սուջայից 5 կմ հարավ-արևելք, նշում է ԱՄՆ-ում գործող Պատերազմի ուսումնասիրության ինստիտուտը (ISW), փոխանցում է BBC-ի ռուսական ծառայությունը:
Ըստ ISW-ի՝ փետրվարի 6-ին հրապարակված կադրերի աշխարհագրական դիրքը ցույց է տալիս, որ ուկրաինական զորքերը առաջ են շարժվել Մախնովկայից հարավ-արևմուտք և Չերկասկայա Կոնոպելկայից հյուսիս և արևելք: Շարասյունն անցել է Սուջա-Օբոյան ճանապարհով, որից հետո Ուկրաինայի զինված ուժերը վերահսկողության տակ են վերցրել Կոլմակովի ֆերմա և Ֆանասեևկա գյուղը։
ՌԴ Պաշտպանության նախարարությունը երեկ հայտարարել է, որ Ուկրաինայի զինված ուժերի բոլոր հարձակումները հետ են մղվել։
Ուկրաինայի հրամանատարությունը դեռևս չի մեկնաբանել Կուրսկի շրջանում նոր հարձակման մասին լուրերը:
Թարգմանությունը՝ Տաթև Ֆռանգյանի
