20.02.2026 | 12:27
Ինչու հայտնի տեսագրության գործով Արշակ արքեպիսկոպոս Խաչատրյանն ունի վկայի, ոչ թե տուժողի կարգավիճակ․ ՏԵՍԱՆՅՈՒԹ
Ալյասկայում որոնում են կորած ինքնաթիռը, որում 10 մարդ է եղել
Քաղաքականություն
07.02.2025 | 16:25
Ամերիկյան Ալյասկայում փրկարարները որոնում են Bering Air ավիաընկերության ինքնաթիռը, որը թռչում էր Ունալաքլեետից Նոմ՝ ինը ուղևորներով և օդաչուով: Ինքնաթիռի հետ կապը կորել է փետրվարի 6-ին տեղական ժամանակով 16:00-ի սահմաններում, գրում է Reuters-ը։
Տեղական ավիաընկերության Bering Air-ի Cessna 208 Caravan-ը օդ է բարձրացել տեղական ժամանակով 14:37-ին: Այնտեղից դեպի Նոմ թռիչքը սովորաբար տևում է մոտ մեկ ժամ։
Ինքնաթիռի թռիչքից մոտավորապես 40 րոպե անց կապը կորել է և այն անհետացել է ռադարներից։ Այդ պահին այն թռել է Նորթոն Սաունդի վրայով։
Ինքնաթիռի անհետացումից հետո փրկարարական ինքնաթիռ է ուղարկվել դրա գտնվելու վերջին հայտնի վայր, և առափնյա պահպանության ստորաբաժանումները ծովածոցում սկսել են որոնողական աշխատանքները: Դրանք դժվարանում են եղանակային պայմանների պատճառով՝ ձյունն ու սառցե անձրևները, որոնք նվազեցնում են տեսանելիությունը։
Թարգմանությունը՝ Տաթև Ֆռանգյանի
