16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Հյուսիսային Կորեան բարելավել է իր հրթիռների ճշգրտությունը՝ Ուկրաինայում ՌԴ-ի կողմից դրանք օգտագործելու շնորհիվ
Քաղաքականություն
06.02.2025 | 19:12
Ռուս զինվորականների կողմից Ուկրաինայի պատերազմում կիրառվող հյուսիսկորեական հրթիռների ճշգրտությունը կտրուկ բարելավվել է անցյալ տարվա վերջից, Reuters-ին հայտնել են ուկրաինական երկու բարձրաստիճան աղբյուրներ:
Ըստ նրանց՝ արկերը սկսել են խոցել նախատեսված թիրախը 50-100 մետրից ոչ ավելի շեղումով, թեև մինչ այդ շեղումը կազմում էր 1-3 կմ։ Խոսքը հյուսիսկորեական K-23, K-23A և K-24 կարճ հեռահարության բալիստիկ հրթիռների մասին է։
Ընդհանուր առմամբ, 2023 թվականի վերջից մինչև այս տարվա հունվար Ռուսաստանը մոտ 100 նման հրթիռ է արձակել Ուկրաինայի ուղղությամբ, որոնցից 20-ը՝ վերջին մի քանի շաբաթվա ընթացքում։
Հրթիռի բարելավված ճշգրտությունը ցույց է տալիս, որ Հյուսիսային Կորեան հաջողությամբ օգտագործում է Ուկրաինայում պատերազմը՝ սեփական հրթիռային տեխնոլոգիան փորձարկելու և կատարելագործելու համար, ասել են Reuters-ի աղբյուրները: Գործակալության ռազմական աղբյուրներից մեկը նշել է, որ մինչ այժմ բեկորների փորձաքննությունը չի հայտնաբերել որևէ փոփոխություն հյուսիսկորեական հրթիռների նախագծման մեջ, սակայն դրանք կարող էին հագեցված լինել ավելի առաջադեմ նավիգացիոն համակարգերով կամ ղեկային մեխանիզմով, որը հեշտացնում է մանևրելը։
Թարգմանությունը՝ Տաթև Ֆռանգյանի
