05.06.2026 | 22:40
Ընտրություններից առաջ Հայաստան ժամանած ՀՀ քաղաքացիների թիվը ավելի քիչ է, քան նախորդ տարի
Եկել եք բուքմեյքերների շահերն եք պաշտպանո՞ւմ․ Հայկ Սարգսյանը՝ ՔՊ պատգամավորներին․ ՏԵՍԱՆՅՈՒԹ
Հասարակություն
05.02.2025 | 16:54
ԱԺ տնտեսական հարցերի մշտական հանձնաժողովի նիստում քննարկվեց ՔՊ պատգամավոր Հայկ Սարգսյանի հեղինակած նախագիծը։ Պատգամավորն առաջարկում է ինտերնետ շահումով խաղերի, վիճակախաղերի, տոտալիզատորների գործունեության հարկերը բարձրացնել։
Հանձնաժողովի նախագահ Բաբկեն Թունյանն առաջարկում էր 2 ամիս հետաձգել լիագումար նիստին այս նախագծի քննարկումը։ Օրենքի նախագծի հեղինակ Հայկ Սարգսյանը համաձայն չէր։
«Հիմա դուք բուքմեյքերական ընկերությունների շահե՞րն եք առաջ տանում, բա մեր պետական շահերն ո՞ւր մնացին։ Բա ինչի՞ փաստաբանների հարկերը բարձրացնում եք, հաշվապահների, առևտրակաների հարկերը բարձրացնում եք, բոլորին հարկում եք, բուքմեյքերականները, որ գերշահույթ են ստանում, ասում եմ՝ ավելի հարկեք, ասում եք՝ հե՛տ կանչեք, ավելի՛ քննարկենք, հետ չե՛մ կանչելու»,- հայտարարեց Սարգսյանը։
ՔՊ-ական պատգամավորների մեջ լեզվակռիվ եղավ։
Մանրամասները՝ տեսանյութում։
