30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
Ամերիկյան երկու ռազմական ինքնաթիռներ արտակարգ վայրէջք են կատարել Ճապոնիայում
Քաղաքականություն
05.02.2025 | 12:34
Ամերիկյան երկու F-35 ռազմական ինքնաթիռներ արտակարգ վայրէջք են կատարել ճապոնական Սիկոկու կղզու Էհիմե պրեֆեկտուրայի մայրաքաղաք Մացույամա օդանավակայանում։ Վթարային վայրէջքի պատճառը վառելիքի պակասն է, հայտնում է Ehime Shimbun-ը։
Ինքնաթիռները վայրէջք են կատարել տեղական ժամանակով 12:05-ին։ Զոհեր և վիրավորներ չկան։
Ռազմական ինքնաթիռների վթարային վայրէջքի պատճառով II Nippon Airways ավիաընկերության քաղաքացիական ինքնաթիռը 13 րոպե սպասել է վայրէջքի իր հերթին։ Այն Օսակայից թռչում էր Մացույամա։
F-35-ը հինգերորդ սերնդի գերձայնային կործանիչ է։ Մեկ նման ինքնաթիռի արժեքը 81 մլն դոլար է: Ինքնաթիռը ստեղծվում է երեք տարբերակով։ ԱՄՆ Պաշտպանության նախարարությունը ներկայում իր զինանոցում ունի մոտ 630 F-35 կործանիչներ։ Մինչև 2040-ականների կեսերը Պենտագոնը մտադիր է Lockheed Martin-ից գնել այս մոդելի գրեթե 2500 կործանիչ։
Թարգմանությունը՝ Տաթև Ֆռանգյանի
