08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ն հարվածել է Իզյումին․ տասնյակ վիրավորներ կան․ ՏԵՍԱՆՅՈՒԹ
Քաղաքականություն
04.02.2025 | 17:03
Ռուսական զորքերը հրթիռային հարված են հասցրել Ուկրաինայի Իզյում քաղաքի կենտրոնին։ Այս մասին հայտնել է Խարկովի շրջանային վարչակազմի ղեկավար Օլեգ Սինեգուբովը։
Հարձակման հետևանքով զոհվել է 5 մարդ, ևս 38-ը՝ վիրավորվել։ Վիրավորների թվում կա 15-ամյա մի աղջիկ, որը բեկորային վնասվածք է ստացել։ Քաղաքապետ Վալերի Մարչենկոն Suspilne Kharkiv-ին հայտնել է մի քանի շենքերի վնասվելու մասին։
«Այստեղ զինվորականներ չեն եղել, դրանք շենքեր են, որտեղ աշխատել են մեր ծառայությունները՝ հարկային, սոցապահովություն, գանձապետարան, խաղաղ բնակիչներ են սպանվել, ըստ երևույթին, անձնագրային գրասենյակի մոտ են եղել»,- մանրամասնել է նա։
«Այս դաժանության հետ հնարավոր չէ հաշտվել: Մենք պետք է ճնշում գործադրենք Ռուսաստանի վրա, օգտագործենք որքան հնարավոր է շատ ուժ՝ զենքի ուժ, պատժամիջոցների ուժ, դիվանագիտության ուժ՝ ահաբեկչությունը դադարեցնելու և կյանքեր պաշտպանելու համար»,- իր հերթին գրել է Ուկրաինայի նախագահ Վլադիմիր Զելենսկին:
Իզյումը գրավվել էր ռուսական զորքերի կողմից 2022 թվականի գարնանը, սակայն նույն տարվա սեպտեմբերին ուկրաինական զորքերն ազատագրեցին այն։ Քաղաքում թեժ մարտեր են տեղի ունեցել, ինչի արդյունքում ավերվել է բազմահարկ շենքերի մոտ 80%-ը։
Թարգմանությունը՝ Տաթև Ֆռանգյանի
