19.12.2025 | 18:00
Թող դատի՛ տան, եթե ԿԳԲ-ի ագենտ լինելու մեղադրանքը զրպարտանք է, կտեսնեն՝ դատարանում ինչ կկատարվի․ ՏԵՍԱՆՅՈՒԹ
Թուրքիան 15 պաղեստինցի բանտարկյալների կընդունի Իսրայել-ՀԱՄԱՍ գործարքի շրջանակում
Քաղաքականություն
04.02.2025 | 15:10
Թուրքական անվտանգության աղբյուրները հայտնել են, որ 15 պաղեստինցիներ ազատ են արձակվել կամ կազատվեն Իսրայելի կողմից՝ Թել Ավիվի և ՀԱՄԱՍ շարժման միջև հրադադարի համաձայնագրի շրջանակում, գրում է Daily Sabah-ը։
Հաղորդվում է, որ Թուրքիայի հետախուզական կազմակերպությունը (MIT), երկրի նախագահ Ռեջեփ Թայիփ Էրդողանի հրամանով, կկազմակերպի նրանց տեղափոխումը։
Նշենք, որ Իսրայել-ՀԱՄԱՍ հրադադարի համաձայնագիրը ներառում է իսրայելցի և պաղեստինցի գերիների փոխանակում։ Իսրայելը համաձայնել է ազատ արձակել ցմահ դատապարտված պաղեստինցի բանտարկյալներին՝ Պաղեստին չվերադառնալու պայմանով։ Թուրքիայի ԱԳ նախարար նախարար Հաքան Ֆիդանն անցյալ շաբաթ Կատարում հայտարարել էր, որ որոշ պաղեստինցիներ, որոնք ստիպված են եղել լքել իրենց երկիրը, կհյուրընկալվեն Թուրքիայի և այլ երկրների կողմից։
Աղբյուրները նշում են, որ MIT-ը կազմակերպել է 15 պաղեստինցիների ճամփորդությունը՝ ազատ արձակված բանտարկյալներին այլ երկրում տեղավորելու ծրագրի առաջին փուլում: Նրանք Եգիպտոսով կմեկնեն Թուրքիա։
Ըստ Իսրայելի Արդարադատության նախարարության կողմից ավելի վաղ հրապարակված ցուցակի՝ ավելի քան 180 բանտարկյալներ, որոնք պետք է ազատ արձակվեն Գազայում պահվող իսրայելցի պատանդների դիմաց, կարտաքսվեն երկրից: Համաձայնագրում չի նշվում այն երկրների ցանկը, ուր կուղարկվեն արտաքսված բանտարկյալները, սակայն իսրայելական ԶԼՄ-ները, այդ թվում՝ երկրի հանրային հեռարձակող KAN-ը, հայտնել են, որ ուղղությունները կարող են ներառել Կատարը կամ Եգիպտոսը:
Թարգմանությունը՝ Էմմա Չոբանյանի
