14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պետքարտուղար Ռուբիոն նշանակվել է USAID-ի ղեկավարի ժամանակավոր պաշտոնակատար
Քաղաքականություն
04.02.2025 | 11:33
ԱՄՆ Պետքարտուղար Մարկո Ռուբիոն նշանակվել է ԱՄՆ Միջազգային զարգացման գործակալության (USAID) ղեկավարի ժամանակավոր պաշտոնակատար։ Այս մասին ասված է Պետքարտուղարության հայտարարության մեջ, փոխանցում է VOA-ն։
«USAID-ը երկար ժամանակ շեղվել է ամերիկյան շահերը արտերկրում պատասխանատու կերպով առաջ մղելու իր սկզբնական առաքելությունից, և այժմ ակնհայտ է դարձել, որ դրա ֆինանսավորման զգալի մասը չի ծառայում ԱՄՆ-ի հիմնական ազգային շահերին: Որպես միջանկյալ քայլ՝ վերահսկողություն ձեռք բերելու և գործակալության գործունեությունը ավելի լավ հասկանալու համար, նախագահ Դոնալդ Թրամփը ադմինիստրատորի պաշտոնակատար է նշանակել պետքարտուղար Մարկո Ռուբիոյին: Բացի այդ, պետքարտուղար Ռուբիոն տեղեկացրել է Կոնգրեսին, որ USAID-ի արտաքին աջակցության գործունեությունը վերանայվում է հնարավոր վերակազմակերպման համար: Մինչ մենք գնահատում ենք USAID-ի գործունեությունը և այն համապատասխանեցնում ենք «Առաջին հերթին Ամերիկան» քաղաքականության և Պետդեպարտամենտի առաքելությունների հետ, մենք կշարունակենք պաշտպանել ամերիկացիների շահերը և ապահովել, որ նրանց հարկային դոլարները չվատնվեն»,- ասվում է հայտարարության մեջ։
ԱՄՆ նախագահ Դոնալդ Թրամփը քննարկում է USAID-ը Պետքարտուղարությանը միավորելու հարցը՝ դրա արդյունավետությունը բարելավելու և գործակալության ծախսերն իր վարչակազմի քաղաքականությանը համապատասխանեցնելու համար, ավելի վաղ Reuters-ին ասել է Սպիտակ տան բարձրաստիճան պաշտոնյան:
Թարգմանությունը՝ Տաթև Ֆռանգյանի
