20.02.2026 | 15:41
Շրջանցում ենք փոսերը, մեր մեքենաները վնասներ չեն կրել. փոխքաղաքապետ․ ՏԵՍԱՆՅՈՒԹ
Դոնալդ Թրամփը համաձայնել է՝ USAID-ը պետք է փակվի․ Մասկ
Քաղաքականություն
03.02.2025 | 20:43
Ամերիկացի միլիարդատեր Իլոն Մասկը հայտարարել է՝ նախագահ Դոնալդ Թրամփը համաձայնել է, որ ԱՄՆ Միջազգային զարգացման գործակալությունը «պետք է փակվի»՝ գործակալության ապագայի շուրջ օրեր շարունակ շահարկումներից և այն բանից հետո, երբ դրա ֆինանսավորումը սառեցվեց, տասնյակ աշխատակիցներ հարկադիր արձակուրդ ուղարկվեցին, գրում է CNN-ը:
«Ինչ վերաբերում է USAid-ի հարցին, ես նախագահի հետ մանրամասն անդրադարձա դրան, և նա համաձայնեց, որ մենք պետք է փակենք այն»,- ասել է Մասկը։
Նա նաև հայտարարել է, որ ինքը «մի քանի անգամ» քննարկել է Թրամփի հետ, և Թրամփը հաստատել է, որ ցանկանում է փակել գործակալությունը, որը տարեկան միլիարդավոր դոլարի մարդասիրական օգնություն և զարգացման ֆինանսավորում է տրամադրում։
Հիշեցնենք, որ USAID-ը ստեղծվել է 1961 թվականին՝ այլ երկրներին մարդասիրական օգնություն տրամադրելու նպատակով։ Հունվարի 20-ին՝ իր երդմնակալության օրը, ԱՄՆ նախագահ Դոնալդ Թրամփը 90 օրով սառեցրեց USAID-ի նախաձեռնությունները, այդ ընթացքում կառույցի ծրագրերը պետք է վերանայվեն։
Թարգմանությունը՝ Տաթև Ֆռանգյանի
