10.08.2026 | 13:50
Բողոքարկումը չի հետաձգի վարորդական իրավունքի կասեցումն ու տուգանային միավորների կիրառումը․ նախագիծ
Ռուսաստանը Թրամփ-Պուտին հանդիպման վայր է դիտարկում Սաուդյան Արաբիան և ԱՄԷ-ն․ Reuters
Քաղաքականություն
03.02.2025 | 16:27
Ռուսաստանը Սաուդյան Արաբիան և ԱՄԷ-ն դիտարկում է որպես Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի գագաթնաժողովի հնարավոր վայրեր։ Այս մասին հայտնում է Reuters-ը՝ վկայակոչելով Ռուսաստանից երկու իրազեկ աղբյուրների։
Գործակալության տվյալներով՝ վերջին շաբաթներին Ռուսաստանից բարձրաստիճան պաշտոնյաներ են այցելել Սաուդյան Արաբիա և ԱՄԷ։ Միևնույն ժամանակ, աղբյուրներից մեկը հայտնել է, որ Մոսկվան դեռևս չի պաշտպանում այդ վայրերում հանդիպում անցկացնելու գաղափարը, քանի որ երկու երկրներն էլ սերտ կապեր ունեն ԱՄՆ-ի հետ անվտանգության ոլորտում։
Փետրվարի 2-ին ԱՄՆ նախագահ Դոնալդ Թրամփը հայտարարել է Ռուսաստանի և Ուկրաինայի ներկայացուցիչների հետ հանդիպումների և շփումների մասին։
«Մենք հանդիպումներ և բանակցություններ ունենք պլանավորված տարբեր կողմերի, այդ թվում՝ Ուկրաինայի և Ռուսաստանի հետ»,- ասել է ամերիկացի առաջնորդը՝ ելույթ ունենալով Վաշինգտոնի մոտ գտնվող Էնդրյուս ռազմաօդային բազայում։
Նրա խոսքով՝ նախատեսված հանդիպումների հարցով քննարկումը «բավականին հաջող» է ընթանում։
Թարգմանությունը՝ Տաթև Ֆռանգյանի
