05.05.2025 | 12:00
Նոր Նորքի թաղապետը ներողություն է խնդրել // Իրանը նոր բալիստիկ հրթիռ է փորձարկել․ ԼՈՒՐԵՐ
Սիրիայի նոր ղեկավարը վաղը Թուրքիա կմեկնի՝ Էրդողանի հետ հանդիպման
Քաղաքականություն
03.02.2025 | 22:08
Սիրիայի անցումային նախագահ Ահմեդ ալ-Շարաան Թուրքիայի նախագահ Ռեջեփ Թայիփ Էրդողանի հրավերով վաղը կմեկնի Անկարա։ Այս մասին հայտնել է Թուրքիայի նախագահականի հաղորդակցության տնօրինության ղեկավար Ֆահրեթթին Ալթունը։
«Նախագահականում կայանալիք բանակցությունների ընթացքում կքննարկվեն Սիրիայում տեղի ունեցող վերջին զարգացումները, կգնահատվեն երկու երկրների կողմից ձեռնարկվելիք համատեղ քայլերը երկրում տնտեսական վերականգնման, կայունության և անվտանգության համար։ Բանակցությունները կկենտրոնանան նաև աջակցության վրա, որը կարող է տրամադրվել անցումային վարչակազմին և սիրիացի ժողովրդին բազմակողմ հարթակներում»,- նշել է Ալթունը X-ում գրառմամբ։
Նա հայտարարել է՝ Անկարան կարծում է, որ թուրք-սիրիական հարաբերությունները, որոնք վերականգնվել են Սիրիայում Բաշար Ասադի տապալումից հետո, կամրապնդվեն և նոր թափ կստանան Ահմեդ ալ-Շարաայի և նրա պատվիրակության այցի շնորհիվ։
Հավելենք, որ Շարաան այժմ այցով Սաուդյան Արաբիայում է։
Թարգմանությունը՝ Էմմա Չոբանյանի
