14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Նեթանյահուն ստացել է այն պատանդների ցուցակը, որոնց ՀԱՄԱՍ-ը պետք է ազատ արձակի
Քաղաքականություն
31.01.2025 | 15:55
Իսրայելի վարչապետ Բենիամին Նեթանյահուի գրասենյակը հաստատել է, որ ստացել է այն պատանդների անունների ցուցակը, որոնց Գազայի հատվածում հրադադարի համաձայնագրի շրջանակներում պաղեստինյան ՀԱՄԱՍ շարժումը պետք է ազատ արձակի շաբաթ օրը, գրում է ՌԻԱ Նովոստին:
«Իսրայելը ստացել է պատանդների ցուցակը, որոնք վաղը պետք է ազատ արձակվեն ՀԱՄԱՍ-ի գերությունից: Մանրամասն մեկնաբանությունները կտրվեն ցուցակն ուսումնասիրելուց և ընտանիքներին ծանուցելուց հետո»,- ասվում է հաղորդագրության մեջ:
Ավելի վաղ ուրբաթ օրը ՀԱՄԱՍ-ը հայտարարել էր, որ շաբաթ օրը Իսրայելի հետ գործարքի շրջանակներում ազատ կարձակի ևս երեք իսրայելցի պատանդների և հրապարակել էր նրանց անունները: Ցուցակում են իսրայելցիներ Օֆեր Կալդերոնը, Շմուել Քիթ Սեգալը և Յարդեն Բիբասը:
Հայտնի է, որ Յարդեն Բիբասին առևանգել են կնոջ՝ Շիրի Բիբասի և երկու մանկահասակ երեխաների հետ, որոնցից մեկն առևանգման պահին դեռ մեկ տարեկան էլ չի եղել։ Կֆիր անունով կարմրավուն մազերով փոքրիկը դարձել է առևանգվածներին Գազայից վերադարձի համար պատանդների ընտանիքների և իսրայելական հասարակության պայքարի խորհրդանիշներից մեկը։ Շիրին ու երեխաները մնում են ՀԱՄԱՍ-ի գերության մեջ, իսկ նրանց վիճակի մասին որևէ տեղեկություն չկա։
Թարգմանությունը՝ Տաթև Ֆռանգյանի
