17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Վերջերս հայտնաբերված աստերոիդը կարող է բախվել Երկրին
Քաղաքականություն
30.01.2025 | 22:22
Երկիր մոլորակի մերձակայքում նոր հայտնաբերված աստերոիդը, որը ստացել է 2024 YR4 անվանումը, 2032 թվականին Երկրին բախվելու փոքր հավանականություն ունի, հայտնել են ԱՄՆ տիեզերական պաշտոնյաները, գրում է VOA-ն:
Գիտնականները բախման հավանականությունը գնահատում են 1%-ից մի փոքր ավելի:
«Մեզ բոլորովին չի անհանգստացնում այն 99 տոկոս հավանականությունը, որ այն [աստերոիդը] բաց կթողնի։ Բայց դա ուշադրության է արժանի»,- ասում է NASA-ի Մերձերկրային օբյեկտների ուսումնասիրության կենտրոնի տնօրեն Փոլ Չոդասը։
Աստերոիդը, որն առաջին անգամ հայտնաբերվել է աստղադիտակով Չիլիում 2024 թվականի դեկտեմբերի վերջին, գնահատվում է 40-ից 100 մետր տրամագծով:
Գիտնականներն ուշադիր հետևում են 2024 YR4-ին, որը ներկայում հեռանում է Երկրից:
Թարգմանությունը՝ Տաթև Ֆռանգյանի
