30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
ԱՄՆ պետքարտուղարն ու ԵՄ դիվանագիտության ղեկավարը որոշել են շարունակել ճնշումը Ռուսաստանի վրա․ Bloomberg
Քաղաքականություն
29.01.2025 | 17:36
ԱՄՆ պետքարտուղար Մարկո Ռուբիոն ու ԵՄ դիվանագիտության ղեկավար Կայա Կալլասը հեռախոսազրույցի արդյունքներով համաձայնել են ՌԴ-ի վրա «առավելագույն ճնշումը պահպանելու» անհրաժեշտության հետ, գրում է Bloomberg-ը՝ հղում կատարելով իր աղբյուրներին։
Պաշտոնապես ԱՄՆ պետքարտուղարությունը հայտնել է, որ Ռուբիոն ողջունել է ՌԴ-ի հանդեպ ԵՄ պատժամիջոցների երկարաձգումը։ Պետքարտուղարության մամլո հաղորդագրության մեջ ասվում է, որ պետքարտուղարը կոչ է արել ուժեղացնել անդրատլանտյան անվտանգությունը, կոչ է արել Եվրոպային մեծացնել պաշտպանական ծախսերը և «ուշադրություն հրավիրել Չինաստանի կողմից առաջադրված մարտահրավերներին»:
Կողմերը քննարկել են նաև Միացյալ Նահանգների և Եվրամիության միջև համագործակցության խորացումը։
Կալլասը Ռուբիոյի հետ զրույցը «լավ» է որակել։ Նա X սոցիալական ցանցում գրել է, որ պետքարտուղարի հետ քննարկել է «գլոբալ հարցեր», այդ թվում՝ Ռուսաստան-Ուկրաինա հակամարտությունը, «Իրանի վնասակար ազդեցությունը և Չինաստանի կողմից բխող մարտահրավերները»:
Թարգմանությունը՝ Տաթև Ֆռանգյանի
