08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իսրայելցի 33 պատանդներից, որոնց ՀԱՄԱՍ-ը խոստացել է ազատ արձակել, ողջ է 25-ը․ Reuters
Քաղաքականություն
27.01.2025 | 20:47
Իսրայելցի 33 պատանդներից, որոնց պաղեստինյան ՀԱՄԱՍ շարժումը խոստացել էր ազատ արձակել Իսրայելի հետ հրադադարի համաձայնագրի առաջին փուլի շրջանակում, ողջ է 25-ը։ Այս մասին հայտնում է Reuters գործակալությունը՝ հղում անելով ՀԱՄԱՍ շարժման իր աղբյուրին։
«ՀԱՄԱՍ-ը միջնորդներին տվել է ցուցակ, որից հետևում է, որ 33 իսրայելցի պատանդներից 25-ը, որոնց ծրագրվում է ազատ արձակել (ՀԱՄԱՍ-ի և Իսրայելի միջև գործարքի առաջին փուլի շրջանակում) դեռ ողջ են»,- ասվում է գործակալության հրապարակման մեջ։
Reuters-ի աղբյուրի փոխանցմամբ՝ Իսրայելի իշխանությունները նախապես միջնորդների միջոցով ստացել էին պատանդների ցուցակը, որոնց ծրագրվում էր ազատ արձակել հրադադարի համաձայնագրի շրջանակում։ Իսրայելի վարչապետ Բենիամին Նեթանյահուի գրասենյակը նույնպես հայտնել է, որ ՀԱՄԱՍ-ից ստացել են ողջ մնացած և մահացած պատանդների ամբողջական ցուցակը, որոնք պետք է վերադարձվեն Գազայի հատվածից։
Հունվարի 19-ից ուժի մեջ է մտել Իսրայելի և ՀԱՄԱՍ-ի միջև հրադադարի մասին համաձայնագիրը։ Նույն օրը ՀԱՄԱՍ-ն ազատ է արձակել երեք պատանդների, իսկ Իսրայելի իշխանությունները սկսել են զորքերը դուրս բերել անկլավից:
Թարգմանությունը՝ Տաթև Ֆռանգյանի
