15.12.2025 | 14:46
Զինծառայողին անզգուշությամբ ինքնասպանության են հասցրել. կա կալանավորված անձ
Ռյազանում ութ ԱԹՍ են խոցել. թիրախը եղել է նավթավերամշակման գործարանը
Քաղաքականություն
27.01.2025 | 11:45
Հունվարի 26-ի գիշերը հակաօդային պաշտպանության ուժերը Ռյազանի շրջանի երկնքում ուկրաինական ութ անօդաչու թռչող սարք են խոցել, հայտնում է ՌԴ Պաշտպանության նախարարությունը, փոխանցում է Current Time-ը:
Տարածաշրջանի նահանգապետ Պավել Մալկովը գրել է, որ ոչ ոք չի տուժել, իշխանությունները ներկայում գնահատում են անօդաչու թռչող սարքերի հարձակման հետևանքով առաջացած նյութական վնասը։ Նա մանրամասներ չի հայտնել։
YA62.ru պարբերականը, վկայակոչելով ականատեսներին, հայտնում է, որ անօդաչու սարքերը հարձակվել են Ռյազանի նավթավերամշակման գործարանի վրա։ Տեղի բնակիչներից մեկը գրել է, որ 15 րոպեի ընթացքում լսել է 12-15 պայթյուն, տեսել է անօդաչու թռչող սարքեր, որոնք ցածր են թռչել տների վրայով։
Ուկրաինայի զինված ուժերի գլխավոր շտաբը հաստատել է, որ Ռյազանի շրջանում անօդաչու թռչող սարքերի գիշերային հարձակման թիրախը եղել է նավթավերամշակման գործարանը։ Ռուսաստանի Պաշտպանության նախարարությունը նաև պնդում է, որ վեց անօդաչու թռչող սարք է խոցվել գիշերը Կուրսկի շրջանում, ևս մեկը՝ Բելգորոդի շրջանում։
Թարգմանությունը՝ Տաթև Ֆռանգյանի
