30.04.2026 | 10:52
Սամվել Կարապետյանի թիմակից Ալեքսան Ալեքսանյանն անցած տարեսկզբին ՔՊ-ին 2 մլն դրամի նվիրատվություն է արել
«Նա ինձ հավանում էր»․ Թրամփը հայտնել է Կիմ Չեն Ընի հետ կրկին խոսելու պլանների մասին
Քաղաքականություն
24.01.2025 | 21:44
ԱՄՆ նախագահ Դոնալդ Թրամփը հայտարարել է Կիմ Չեն Ընի հետ կապ հաստատելու մտադրության մասին։ Թրամփն ասել է, որ Հյուսիսային Կորեայի առաջնորդը նախկինում իրեն լավ է վերաբերվել: Այս մասին նա ասել է Fox News-ին տված հարցազրույցում։
«Նա ինձ հավանում էր, և մենք լեզու էինք գտել»,- ասել է Թրամփը՝ մեկնաբանելով իր հարաբերությունները Հյուսիսային Կորեայի առաջնորդի հետ։
Թրամփը նշել է, որ երբ նախկինում ԱՄՆ նախկին նախագահ Բարաք Օբամային հարցրել է, թե որն է երկրի համար ամենամեծ վտանգը, նա նշել է Հյուսիսային Կորեայի անունը։
«Եվ ես լուծեցի այդ խնդիրը, ես նրա [Կիմ Չեն Ըն] հետ լեզու գտա»,- ընդգծել է Թրամփը։
Ամերիկայի նախագահը, սակայն, չի հստակեցրել, թե երբ է տեղի ունեցել իր նշած զրույցը Օբամայի հետ։
Ավելի վաղ՝ 2024 թվականի նոյեմբերի 26-ին, Reuters-ը, վկայակոչելով իր աղբյուրները, հայտնել էր, որ Թրամփի թիմը դիտարկում է Կիմ Չեն Ընի հետ ուղիղ բանակցություններ վարելու հնարավորությունը։ Գործակալության աղբյուրները պնդում են, որ ԱՄՆ-ը հույս ունի, որ դիվանագիտական նոր քայլը կարող է նվազեցնել զինված հակամարտությունների ռիսկերը։
Թարգմանությունը՝ Տաթև Ֆռանգյանի
