20.02.2026 | 21:00
ԹԵԺ ԲԱՆԱՎԵՃ․ Փաշինյանի և Գարեգին Բ-ի սուր առճակատումը նոր երանգ ստացավ․ ի՞նչ հանգուցալուծում կլինի
Պուտինը պատրաստ է Թրամփի հետ զրույցին. Պեսկով
Քաղաքականություն
24.01.2025 | 14:27
Կրեմլի խոսնակ Դմիտրի Պեսկովը հայտնել է, որ ՌԴ նախագահ Վլադիմիր Պուտինը պատրաստ է ԱՄՆ նախագահ Դոնալդ Թրամփի հետ շփմանը։ Նա ընդգծել է, որ Կրեմլը սպասում է ազդանշանների և հնարավոր զրույցի մասին ժամանակին կտեղեկացնի, փոխանցում է Կոմերսանտը։
Նախօրեին ԱՄՆ նախագահը հայտարարել էր Վլադիմիր Պուտինի հետ «անհապաղ» հանդիպում ունենալու մտադրության մասին։
«Պուտինը պատրաստ է, մենք սպասում ենք ազդանշանների, բոլորը պատրաստ են։ Հենց որ ինչ-որ բան լինի, եթե ինչ-որ բան լինի, մենք ձեզ կտեղեկացնենք»,- մամուլի ասուլիսի ժամանակ ասել է ՌԴ նախագահի մամուլի քարտուղարը՝ պատասխանելով լրագրողների հարցին՝ արդյո՞ք այս շաբաթավերջին արժե սպասել ԱՄՆ-ի և Ռուսաստանի նախագահների միջև երկխոսության։
Նախօրեին Դոնալդ Թրամփը հայտնել էր, որ Ուկրաինայի նախագահ Վլադիմիր Զելենսկին իրեն ասել է՝ պատրաստ է «գործարք կնքել պատերազմին վերջ տալու համար»։ Նա նշել է, որ ռուս-ուկրաինական հակամարտությունը պետք է ավարտվի «ոչ միայն տնտեսական առումով, այլ միլիոնավոր կորսված կյանքերի տեսանկյունից»:
Թարգմանությունը՝ Տաթև Ֆռանգյանի
