08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Եվրոպան կվճարի Ուկրաինային մատակարարվող ամերիկյան զենքի համար․ ՆԱՏՕ-ի գլխավոր քարտուղար
Քաղաքականություն
23.01.2025 | 18:48
ՆԱՏՕ-ի գլխավոր քարտուղար Մարկ Ռյուտեն ԱՄՆ-ին հորդորել է շարունակել զենք մատակարարել Ուկրաինային Ռուսաստանի ներխուժման դեմ պայքարելու համար՝ հավելելով, որ վստահ է՝ Եվրոպան պատրաստ է վճարել դրա համար, գրում է Reuters-ը։
Ելույթ ունենալով Դավոսի Համաշխարհային տնտեսական ֆորումում՝ ՆԱՏՕ-ի ղեկավարն ասել է, որ Եվրոպան պետք է ավելի շատ ներդրումներ կատարի պաշտպանության ոլորտում, ուժեղացնի զենքի արտադրությունը և Ուկրաինայի օգնության համար ծախսվող ծախսերի ավելի մեծ բաժին վերցնի:
Ռյուտեի մեկնաբանությունները հնչում են այն բանից հետո, երբ ԱՄՆ նախագահ Դոնալդ Թրամփն այս շաբաթվա սկզբին ասել էր, որ Եվրամիությունը պետք է ավելին անի Ուկրաինային աջակցելու համար:
«Ուկրաինայի հարցում մեզ անհրաժեշտ է, որ ԱՄՆ-ը նույնպես ներգրավված մնա։ Եթե Թրամփի նոր վարչակազմը պատրաստ է շարունակել մատակարարել Ուկրաինային իր պաշտպանական արդյունաբերական բազայից, ապա հաշիվը կվճարեն եվրոպացիները, ես լիովին համոզված եմ դրանում, մենք պետք է պատրաստ լինենք դա անել»,- ասել է ՆԱՏՕ-ի ղեկավարը։
Նա նշել է, որ Թրամփը ճիշտ էր, երբ ասել է, որ Եվրոպան պետք է ավելի շատ վճարի, որպեսզի օգնի Ուկրաինային հաղթել պատերազմում, քանի որ «դա գլոբալ հակամարտություն է, Ուկրաինան էլ դեռ ավելի մոտ է Եվրոպային, քան ԱՄՆ-ին»:
Ռյուտեն, միաժամանակ, չի նշել, թե որքան կվճարի Եվրոպան, և արդյո՞ք համաձայնություն ունի եվրոպացի առաջնորդների հետ այդ հարցում։
Թարգմանությունը՝ Էմմա Չոբանյանի
