13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Turkish Airlines-ը 13 տարվա դադարից հետո այսօր առաջին թռիչքն է իրականացրել դեպի Սիրիա
23.01.2025 | 16:10
Turkish Airlines-ը («Թուրքական ավիաուղիներ») վերսկսել է թռիչքները դեպի Սիրիա, որոնք դադարեցվել էին 2012 թվականի ապրիլի 1-ից արաբական երկրում քաղաքացիական պատերազմի պատճառով, հայտնում է TRT Haber-ը։
Նշվում է, որ հունվարի 23-ին Ստամբուլի օդանավակայանից դեպի Դամասկոս TK 846 չվերթն է իրականացվել։ Անձնագրային հսկողությունից հետո ինքնաթիռ է բարձրացել 349 ուղևոր, որոնցից ոմանք ձեռքերին Սիրիայի նոր դրոշն են ունեցել։
Ուղևորներից Ֆաթմա Զահրան լրագրողներին պատմել է, որ Թուրքիա է գնացել ընդամենը 2 տարեկանում։ Այժմ ուրախ է ընտանիքի հետ հայրենիք վերադառնալու համար։
«Ես հիմա 14 տարեկան եմ և երբեք չեմ տեսել իմ երկիրը։ Ես շատ հուզված եմ, քանի որ առաջին անգամ եմ տեսնելու այն։ Մենք Դամասկոսից կուղևորվենք Հալեպ՝ տատիկիս այցելելու»,- ասել է նա։
Թուրքական պետական Անադոլու գործակալությունն էլ հայտնում է, որ ինքնաթիռն արդեն իսկ վայրէջք է կատարել Դամասկոսի օդանավակայանում։
Թարգմանությունը՝ Էմմա Չոբանյանի
