10.08.2026 | 13:50
Բողոքարկումը չի հետաձգի վարորդական իրավունքի կասեցումն ու տուգանային միավորների կիրառումը․ նախագիծ
Թրամփը Գաղտնի ծառայության ղեկավար է նշանակել մահափորձի ժամանակ իրենց պաշտպանած գործակալին
Քաղաքականություն
23.01.2025 | 13:52
ԱՄՆ նախագահ Դոնալդ Թրամփը Գաղտնի ծառայության նոր ղեկավար է նշանակել գործակալ Շոն Քուրանին, որը պատասխանատու էր իր անվտանգության համար 2024 թվականի հուլիսին տեղի ունեցած մահափորձի ժամանակ։ Այս նշանակման մասին Թրամփը հայտնել է Truth սոցիալական ցանցում։
«Ինձ համար մեծ պատիվ է նշանակել Շոն Քուրրանին որպես Միացյալ Նահանգների Գաղտնի ծառայության հաջորդ տնօրեն: Շոնը մեծ հայրենասեր է, որը պաշտպանել է իմ ընտանիքը վերջին մի քանի տարիների ընթացքում, այդ պատճառով ես վստահում եմ նրան Միացյալ Նահանգների Գաղտնի ծառայության քաջարի տղամարդկանց և կանանց ղեկավարելու հարցում»,- գրել է Թրամփը։
Նա նշել է, որ Շոն Քուրանն ունի իրավապահ մարմիններում աշխատանքի 23 տարվա փորձ՝ կարիերան սկսելով Գաղտնի ծառայությունում 2001 թվականին։
Քուրանը պատասխանատու էր Թրամփի անվտանգության համար նրա առաջին նախագահության ժամկետում և դրանից հետո: Նա իր մարմնով պաշտպանել է Թրամփին 2024 թվականի հուլիսին Փենսիլվանիայի Բաթլեր քաղաքում մահափորձի ժամանակ։
«Նա ապացուցեց իր քաջությունը, երբ վտանգի ենթարկեց իր կյանքը՝ օգնելով փրկել իմը Բաթլերում մարդասպանի գնդակից»,- նշել է ԱՄՆ նախագահը։
Թարգմանությունը՝ Էմմա Չոբանյանի
