18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իսրայելը և «Հըզբոլլահ»-ը մտադիր են երկարաձգել հրադադարը․ Bloomberg
Քաղաքականություն
23.01.2025 | 13:25
Լիբանանում հրադադարի պայմանագիրը, որը կնքվել է շիաների «Հըզբոլլահ» շարժման և Իսրայելի միջև, և որի ժամկետը լրանում է հաջորդ շաբաթ, ամենայն հավանականությամբ, կերկարաձգվի։ Այս մասին հայտնում է Bloomberg-ը՝ հղում անելով իր աղբյուրներին։
Ըստ Լիբանանի, Իսրայելի և Ֆրանսիայի պաշտոնյաների՝ «Հըզբոլլահ»-ին և Իսրայելին ավելի շատ ժամանակ է պետք՝ նոյեմբերի վերջին համաձայնեցված հրադադարի նախնական պայմանները կյանքի կոչելու համար, և նրանք մտադիր չեն վերսկսել ռազմական գործողությունները:
Կողմերը քննարկում են հրադադարի ժամկետը երկարաձգելու հարցը, որը լրանում է հունվարի 27-ին, որպեսզի կանխվի հակամարտությունների վերսկսումը, ասել է իսրայելցի բարձրաստիճան դիվանագետը։
Քանի որ Իսրայելն ու Լիբանանը դիվանագիտական հարաբերություններ չունեն, նրանք չեն կարող բանակցել առանց միջնորդների, ուստի կարգավորմանը մասնակցում են Լիբանանի, Իսրայելի և Ֆրանսիայի ներկայացուցիչներ։ Գործակալության տվյալներով՝ չնայած հրադադարը Լիբանանում գործում է նոյեմբերից, «Հըզբոլլահ»-ն ու Իսրայելը միմյանց մեղադրում են դրա պայմանները խախտելու մեջ։
Թարգմանությունը՝ Տաթև Ֆռանգյանի
