30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
Ուկրաինան իրավաբանորեն չի զիջի իր տարածքները. Զելենսկի
Քաղաքականություն
22.01.2025 | 16:38
Ուկրաինան իրավաբանորեն չի զիջի իր տարածքները, որոնք ներկայում գտնվում են Ռուսաստանի վերահսկողության տակ, նույնիսկ եթե «աշխարհի բոլոր դաշնակիցները» դա խնդրեն: Այս մասին հայտարարել է Ուկրաինայի նախագահ Վլադիմիր Զելենսկին ԶԼՄ-ների միջազգային խորհրդի ներկայացուցիչների հետ հանդիպման ժամանակ, որը տեղի է ունեցել Շվեյցարիայի Դավոս քաղաքում Համաշխարհային տնտեսական ֆորումի շրջանակում, գրում է VOA-ն։
«Մեզ համար դրանք միշտ կմնան օկուպացված տարածքներ, մինչև մենք վերադառնանք այնտեղ»,- ընդգծել է Զելենսկին։
Խոսքը բռնակցված Ղրիմի, ինչպես նաև Ուկրաինայի մի քանի շրջանների տարածքների մասին է, ընդհանուր առմամբ, միջազգայնորեն ճանաչված ուկրաինական տարածքի մոտ 20%-ն այժմ գտնվում է Ռուսաստանի վերահսկողության տակ։
Ռուսաստանը պնդում է դե յուրե հրաժարվել այդ տարածքներից՝ Ղրիմն ու Ուկրաինայի չորս շրջանները համարելով իրենը։ Ուկրաինայի ներկայացուցիչների հայտարարություններից հետևում է, որ Կիևը կարող է պատրաստ լինել անվտանգության երաշխիքների դիմաց հրաժարվել ուժով տարածքների վերադարձից, սակայն ակնկալում է դրանք վերադարձնել ավելի ուշ՝ դիվանագիտական ճանապարհով։
Թարգմանությունը՝ Տաթև Ֆռանգյանի
