30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
ՌԴ-ն և Ուզբեկստանը ռազմական ոլորտում ռազմավարական գործընկերության ծրագիր են ընդունել
Քաղաքականություն
22.01.2025 | 15:43
Ռուսաստանի և Ուզբեկստանի պաշտպանության նախարարները ստորագրել են երկու երկրների անվտանգության գերատեսչությունների միջև 2025 թվականի համագործակցության պլանը և 2026-2030 թվականների ռազմական ոլորտում Ռուսաստանի Դաշնության և Ուզբեկստանի միջև ռազմավարական գործընկերության ծրագիրը: Այս մասին հայտնել է ՌԴ պաշտպանության նախարար Անդրեյ Բելոուսովը։ Ստորագրման արարողությունը տեղի է ունեցել Անդրեյ Բելոուսովի՝ Տաշքենդ պաշտոնական այցի շրջանակում, փոխանցում է Կոմերսանտը։
Ռուսաստանի և Ուզբեկստանի Պաշտպանության նախարարությունների 2025 թվականի համագործակցության պլանը ներառում է 50 միջոցառում՝ համատեղ գործունեության բոլոր ոլորտներում, հայտնում է ՌԴ ռազմական գերատեսչությունը։
Այցի ընթացքում Բելաուսովը բանակցություններ է վարել Ուզբեկստանի իր պաշտոնակցի հետ, որոնց ընթացքում հայտարարել է, որ Մոսկվայի և Տաշքենդի միջև գործընկերությունը «հասել է փոխըմբռնման բարձր մակարդակի և շարունակում է ընդլայնվել»։
«Սա հատկապես կարևոր է ներկայիս միջազգային իրավիճակում»,- նշել է նա՝ պարզաբանելով, որ երկու երկրների համատեղ աշխատանքը «էական ազդեցություն ունի Կենտրոնական Ասիայի տարածաշրջանում անվտանգության ապահովման վրա»։
Թարգմանությունը՝ Տաթև Ֆռանգյանի
