25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Թուրքիայում լեռնադահուկային հանգստավայրում հրդեհի հետևանքով մարդկային կորուստների թիվը հասել է 66-ի, վիրավորներինը՝ 51-ի
Քաղաքականություն
21.01.2025 | 18:32
Թուրքիայում Բոլուի Քարթալքայա լեռնադահուկային հանգստավայրի 12-հարկանի հյուրանոցում բռկված հրդեհի հետևանքով զոհերի թիվը հասել է 66-ի։ Այս մասին թուրքական լրատվամիջոցների հաղորդմամբ՝ հայտնել է Թուրքիայի ներքին գործերի նախարար Ալի Երլիքայան։
«Այսօր առավոտյան Բոլուի Քարթալկայայի հյուրանոցում բռնկված հրդեհի հետևանքով, ցավոք սրտի, զոհվել է 66 մարդ, 51-ը վիրավորվել է, և մենք շատ ցավում ենք։ Հրդեհը մարվել է, իսկ հովացման աշխատանքները շարունակվում են»,-ասել է նախարարը։
Առողջապահության նախարար Քեմալ Մեմիշօղլուն ևս հաստատել է, որ հրդեհի հետևանով զոհվել է 66 մարդ։
«Ունենք 51 վիրավոր, նրանցից մեկի վիճակը ծանր է, մյուսների բուժումը շարունակվում է, նրանց վիճակը լավ է։ Մեր 17 վիրավորները դուրս են գրվել»,-հայտնել է Մեմիշօղլուն։
Հյուրանոցից մոտ 230 հյուր տարհանվել է, հրշեջներն ավելի քան 10 ժամ պայքարել են կրակի դեմ: Ականատեսները պատմել են, որ տեսել են, թե ինչպես են որոշ հանգստացողներ կապում սավաններն ու կախում պատուհաններից՝ փախչելու համար։
Թարգմանությունը՝ Էմմա Չոբանյանի
