11.05.2025 | 21:23
«Ես Պուտինին կսպասեմ հինգշաբթի օրը՝ Թուրքիայում»․ Վլադիմիր Զելենսկի
Հարավային Կորեայի կալանավորված նախագահը տեղափոխվել է մենախուց
Քաղաքականություն
20.01.2025 | 14:27
Հարավային Կորեայի ձերբակալված նախագահ Յուն Սոկ Յոլին տեղափոխել են Սեուլի կալանավայրի 12 քառակուսի մետրանոց մենախուց այն բանից հետո, հաղորդում է Yonhap լրատվական գործակալությունը:
«Յուն Սոկ Յոլը կասկածյալների համար նախատեսված նախնական կալանքի խցից տեղափոխվել է ընդհանուր կալանքի բաժանմունք, և ինձ զեկուցել են, որ նա գիշերը լավ է անցկացրել», – ասել է Կորեայի ուղղիչ ծառայության գլխավոր հանձնակատար Շին Յանգ Հեն:
Ավելի վաղ հաղորդվել էր, որ Յուն Սոկ Յոլը ձերբակալվել է հունվարի 19-ի վաղ առավոտյան ապստամբություն ղեկավարելու մեղադրանքով։ Նախագահի խցի մակերեսը 12 քառակուսի մետր է, որում սովորաբար տեղավորվում է հինգ կամ վեց մարդ, հաղորդում է գործակալությունը։ Շին Յանգ Հեն հաստատել է, որ Յուն Սոկ Յոլը կատարել է բոլոր պաշտոնական ընթացակարգերը իր կալանավորման ընթացքում, ինչպես օրինակ՝ լուսանկարվելը և բժշկական զննություն անցնելը։ Ուղղիչ ծառայության գլխավոր հանձնակատարը տեղեկացրել է, որ նախագահի անվտանգությունն ապահովելու համար առանձին աշխատող է հատկացվել:
Yonhap լրատվական գործակալությունը հայտնում է, որ ուղղիչ հիմնարկը համագործակցում է ոստիկանության և նախագահի անվտանգության ծառայության հետ՝ ապահովելու նրա անվտանգությունը՝ մտավախությունների ֆոնին, որ Յուն Սոկո Յոլի կողմնակիցները, իբր, կարող են փորձել կազմակերպել նրա փախուստը:
Թարգմանությունը՝ Տաթև Ֆռանգյանի
