30.04.2026 | 17:27
Ընտրակաշառքի գործով երեկ ձերբակալված 5 անձից 3-ի նկատմամբ խափանման միջոց է ընտրվել կալանավորումը
ՀԱՄԱՍ-ը հայտարարել է հրադադարին հավատարմության մասին
Քաղաքականություն
16.01.2025 | 16:15
Պաղեստինյան ՀԱՄԱՍ շարժումը հավատարիմ է Գազայի հատվածում հրադադարի համաձայնագրին։ ՌԻԱ Նովոստիի փոխանցմամբ՝ այս մասին հայտարարել է շարժման քաղաքական բյուրոյի անդամ Իզզաթ ալ-Ռիշքը։
Ավելի վաղ Իսրայելի վարչապետ Բենիամին Նեթանյահուի գրասենյակը ՀԱՄԱՍ-ին մեղադրել էր միջնորդների հետ համաձայնեցված Գազայի գործարքի կետերից հրաժարվելու և վերջին պահին զիջումներ պարտադրելու փորձի մեջ։
«ՀԱՄԱՍ-ը հավատարիմ է միջնորդների կողմից հայտարարված հրադադարի համաձայնությանը»,- ասվում է ալ-Ռիշքի հայտարարության մեջ:
Պաղեստինյան Գազայի հատվածում հակամարտող կողմերը՝ Իսրայելը և ՀԱՄԱՍ շարժումը, Կատարի, Եգիպտոսի և ԱՄՆ-ի միջնորդությամբ պայմանավորվել են 42-օրյա հրադադարի և հայտարարել ռազմական գործողություններին վերջնականապես վերջ տալու իրենց ցանկության մասին, որոնք խլել են 46,000 պաղեստինցիների և մոտ 1500 իսրայելցիների կյանք։ 15 ամիսների ընթացքում դրանք տարածվել են նաև Լիբանան և Եմեն, հրթիռային հարվածների փոխանակում հրահրել Իսրայելի և Իրանի միջև:
Թարգմանությունը՝ Տաթև Ֆռանգյանի
