07.10.2026 | 15:44
ԱՄՆ-ում մահապատժի ընթացքում ողջ մնացած կինը գիտակցության է եկել
Ադրբեջանի ԳՇ պետը նույնպես Բրյուսելում է․ մասնակցում է ՆԱՏՕ-ի ռազմական կոմիտեի նիստին
Քաղաքականություն
16.01.2025 | 15:21
Ադրբեջանի պաշտպանության նախարարի առաջին տեղակալ, բանակի գլխավոր շտաբի պետ, գեներալ-գնդապետ Քերիմ Վելիևը Բրյուսելում մասնակցել է ՆԱՏՕ-ի ռազմական կոմիտեի հանդիպմանը՝ Գլխավոր շտաբների պետերի ձևաչափով։ Ադրբեջանի ՊՆ-ի հաղորդմամբ՝ ելույթ ունենալով ՆԱՏՕ-ի անդամ և գործընկեր պետությունների պաշտպանության շտաբների պետերի ձևաչափով Հյուսիսատլանտյան դաշինքի ռազմական կոմիտեի նիստում՝ Վելիևը խոսել է Ադրբեջանի և ՆԱՏՕ-ի միջև համագործակցության զարգացման հեռանկարների, «Վճռական աջակցություն» առաքելության և այլ գործողությունների, ինչպես նաև ՆԱՏՕ-ի տարբեր զորավարժություններում և միջոցառումներում ադրբեջանական բանակի ձեռք բերած փորձի մասին։
Նա նշել է «Ադրբեջանի շարունակական ներդրումը խաղաղության և անվտանգության պահպանման գործում ինչպես Եվրատլանտյան տարածաշրջանում, այնպես էլ նրա սահմաններից դուրս և ասել, թե Բաքուն մտադիր է էապես ամրապնդել իր ներդրումը միջազգային խաղաղության և անվտանգության մեջ»։
Այցի ընթացքում Վելիևը հանդիպելու է նաև նիստին մասնակցող մի շարք գործընկերների հետ։ Թուրքիայի ՊՆ-ն փոխանցում է, որ երկրի ԶՈՒ ԳՇ պետ Մեթին Գյուրակը Բրյուսելում հանդիպում է անցկացրել է Քերիմ Վելիևի հետ։
Հավելենք, որ ՀՀ ՊՆ-ն ավելի վաղ հայտնել էր, որ հունվարի 15-17-ն աշխատանքային այցով Բրյուսելում է գտնվում ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանի գլխավորած պատվիրակությունը՝ ՆԱՏՕ-ի անդամ և գործընկեր պետությունների պաշտպանության շտաբների պետերի ձևաչափով Հյուսիսատլանտյան դաշինքի ռազմական կոմիտեի նիստին մասնակցելու համար։
Թարգմանությունը՝ Էմմա Չոբանյանի
