05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Մենք անընդհատ սխալվելու ենք. Փաշինյանը` կտրուկ փոփոխություններով արդյունքի հասնելու մասին․ ՏԵՍԱՆՅՈՒԹ
Քաղաքականություն
16.01.2025 | 11:47
Երեխաներ կան, որ կրթությունից դուրս են մնում ամենատարբեր հանգամանքներից ելնելով, այս մասին կառավարության նիստում հայտարարեց վարչապետ Նիկոլ Փաշինյանը:
«Մենք պետք է հասկանանք, թե ընտանիքների կողմից մանկական աշխատանքը ինչքանով է երեխաներին կանխարգելում պատշաճ կրթություն ստանալ ու կրթության հասանելիության իրավունքը»,- ասաց նա։
Փաշինյանի խոսքով՝ ժողովրդավարական հասարակության մեջ լիարժեքորեն հարգվում է անձնական ու ընտանեկան կյանքի անձռենմխելիությունը, բայց, մյուս կողմից, երբ այնտեղ տեղի են ունենում պրոցեսներ, որոնք օբյեկտիվորեն ու սուբյեկտիվորեն դուրս են գալիս ընտանիքի տիրույթից, պետությունը պետք է միջամտելու գործիքներ ունենա։
«Սա պետական անվտանգության ու զարգացման օրակարգի անբաժանելի մաս է»,- հավելեց նա։
Ըստ Փաշինյանի՝ հանցավոր մղումները շատ դեպքերում ձևավորվում են ընտանեկան, կենցաղային բռնության պայմաններում, երբ բռնությունը դառնում է կուլտուրա։
«Երբ բռնությունը տան մեջ կուլտուրա է, տնից դուրս է գալիս բակ, բակից՝ թաղ, թաղից՝ դպրոց, դպրոցից՝ հանրություն ու այդպես շարունակ։ Բռնությունը մեր ընտանեկան ավանդո՞ւյթն է, եթե այո, ուրեմն պետք է արմատախիլ անել այդ ավանդույթը, ո՞վ է ասել, որ դա լավ բան է»,- ընդգծեց վարչապետը։
Մանրամասները՝ տեսանյութում։
