10.08.2026 | 17:24
Բանավեճ Էդգար Ղազարյանի ու Վիլեն Գաբիելյանի միջև. ՏԵՍԱՆՅՈՒԹ
Մեծ Բրիտանիայի վարչապետն առաջին անգամ Կիև է այցելել
Քաղաքականություն
16.01.2025 | 11:33
Մեծ Բրիտանիայի վարչապետ Քիր Սթարմերն Ուկրաինա է մեկնել և առաջին անգամ կհանդիպի նախագահ Վլադիմիր Զելենսկու հետ այն բանից հետո, ինչ ստանձնել է Մեծ Բրիտանիայի կառավարության ղեկավարությունը, գրում է Guardian-ը։
Երկու երկրները գործընկերության համաձայնագիր կստորագրեն գոյություն ունեցող ռազմական կապերը խորացնելու համար՝ մտավախությունների ֆոնին, որ ԱՄՆ-ը կարող է սկսել հրաժարվել իր աջակցությունից։
Ակնկալվում է, որ Սթարմերը Զելենսկիի հետ կքննարկի, թե անվտանգության ինչ երաշխիքներ կարող է առաջարկել Մեծ Բրիտանիան Կիևին, ներառյալ՝ բրիտանական զորքերը հետպատերազմյան խաղաղապահ ուժերում ընդգրկելու հնարավորությունը, գրում է Guardian-ը։
«Ուկրաինան իր ամենամոտ գործընկերներից պոկելու՝ Պուտինի փորձը ռազմավարական ձախողում էր։ Փոխարենը, մենք մտերմացել ենք ավելի, քան երբևէ, և այս գործընկերությունը մեր բարեկամությունը նոր մակարդակի կբարձրացնի»,- ասել է Մեծ Բրիտանիայի վարչապետը։
Սթարմերի այցը տեղի է ունեցել այն բանից հետո, երբ նա անցյալ շաբաթ քննարկել է Ուկրաինայի հարցը Ֆրանսիայի նախագահ Էմանուել Մակրոնի հետ:
Թարգմանությունը՝ Տաթև Ֆռանգյանի
