08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լոս Անջելեսի շրջանում «հատկապես վտանգավոր իրավիճակ» է հայտարարվել
Քաղաքականություն
15.01.2025 | 19:49
Հարավային Կալիֆորնիայի միլիոնավոր բնակիչներ գտնվում են տագնապային սպասումի վիճակում, քանի որ կանխատեսվում է անտառային հրդեհների հերթական ալիք, «առանձնակի վտանգավոր իրավիճակի» նախազգուշացում է տրվել այն տարածաշրջանի համար, որտեղ երկու ավերիչ հրդեհների հետևանքով զոհվել է առնվազն 25 մարդ, հազարավոր տներ ավերվել են, գրում է VOA-ն:
Հրշեջների աշխատանքը երեքշաբթի ժամանակավորապես թեթևացել է քամիների անսպասելի թուլացումից հետո՝ թույլ տալով նրանց առաջընթաց գրանցել Լոս Անջելեսում երկու խոշոր հրդեհների մարման աշխատանքում և արագ մարել հրդեհների մի քանի նոր օջախներ:
«Իտոն» հրդեհը, որը բռնկվել է Լոս Անջելեսից հյուսիս, և «Փելիսեյդսը», որն ավերել է Խաղաղօվկիանոսյան Փելիսեյդսի ափամերձ շրջանի մեծ մասը, սկսվել է հունվարի 7-ին։ Անցյալ շաբաթ ուժգին քամին նպաստել է կրակի արագ տարածմանը, որը կրակի մասնիկները քշում էր մղոններով:
Ազգային օդերևութաբանական ծառայությունը եղանակի խիստ նախազգուշացում է տարածել, որը տրվում է բարձր ջերմաստիճանի, ցածր խոնավության և ուժեղ քամիների համատեղման ժամանակ։
Թարգմանությունը՝ Տաթև Ֆռանգյանի
