23.02.2026 | 17:36
«Ինտերի» ներկայացուցիչները կհանդիպեն Մխիթարյանի գործակալի հետ
Խաչատուր Սուքիասյանի տղան ինչո՞ւ չի զորակոչվել բանակ. հարց` Պապիկյանին․ ՏԵՍԱՆՅՈՒԹ
Հասարակություն
15.01.2025 | 18:07
«Ես չեմ ցանկանում անձերի անդրադառնալ, կարծում եմ՝ դա գլոբալ խնդիր է, որին որակում տվել եմ Ազգային ժողովում»,- այսօր հրավիրված ասուլիսում ասաց Պաշտպանության նախարար Սուրեն Պապիկյանը՝ պատասխանելով հարցին, թե ինչու ԱԺ ՔՊ խմբակցության պատգամավոր Խաչատուր Սուքիասյանի որդին չի զորակոչվել բանակ։
«Ես առանձնահատուկ վերաբերմունք ունեմ ՀՀ ԶՈւ-ում ծառայող տղաների, նրանց հարազատների, ծնողների նկատմամբ և նմանատիպ առանձնահատուկ վերաբերմունք ունեմ նրանց նկատմամբ, ովքեր խուսափել են, բայց երբեմն անհրաժեշտ է այդ հանգամանքները հիմնավորել, որովհետև ես բժիշկ չեմ և չեմ կարող գնահատել՝ ով, ինչ հիվանդությամբ է խուսափել ծառայությունից, բայց ես կարող եմ գնահատել՝ ով է ՀՀ քաղաքացիությունից հրաժարվելու բերումով ծառայությունից խուսափել։ Այսինքն՝ կան չափելի և անչափելի գնահատականներ։ Ես նորից եմ կրկնում՝ իմ գնահատականը հստակ է՝ անկախ անձերից ու դերակատարներից»,- նշեց Սուրեն Պապիկյանը։
