15.01.2025 | 20:42
Լեհաստանը նախատեսում է ԵՄ-ում իր նախագահության ընթացքում արագացնել կառույցին Ուկրաինայի անդամակցության գործընթացը
Ինչ է առաջարկում Հայկ Մարությանը տրանսպորտի սակագնի վերաբերյալ․ ՏԵՍԱՆՅՈՒԹ
Տնտեսություն
15.01.2025 | 14:08
Երևանի նախկին քաղաքապետ Հայկ Մարությանն այսօր ներկայացնում էր հասարակական տրանսպորտի ուղեվարձի թանկացման հետ կապված իրենց հետագա անելիքները։ Հայկ Մարությանն այսօր քաղաքացիներին հորդորեց բոյկոտել և չգնել փաթեթները, որոնք գործելու են փետրվարի մեկից։
«Այսօր հավաքվել ենք հենց այն նպատակով, որպեսզի հենց քաղաքացիներից լսենք, թե իրենք ինչպես են պատկերացնում պայքարը, բնականաբար, խոսքը բոյկոտի մասին է, պարզապես բոյկոտի տարբեր ձևեր կան: Մենք պետք է հասկանանք, թե բոյկոտի ո՞ր ձևն ենք նախընտրելու, օրինակ, ուսանողները կարող են դասադուլ անել, կարող է լինել գործադուլ մարդկանց կողմից կամ ընդհանրապես չօգտվեն տրանսպորտից, մյուսը՝ մտնել տրանսպորտ, վճարել 100 դրամ, անցնել առաջ, կամ օգտվել տրանսպորտից, բայց չվճարել։ 2013 թվականին էլի նույն մեթոդներն էին կիրառվում: Վստահաբար, եթե մարդիկ համատարած բոյկոտեն, քաղաքային իշխանություններն այլ տարբերակ չեն ունենալու, քան այն «Տարոն ջան, սիրուն չի՛» տարբերակին գան»,- ասաց Մարությանը։
Factor TV-ի հարցին ի պատասխան՝ Մարությանը նշեց, որ իրենց պահանջն է տրանսպորտի գինը թողնել 100 դրամ, որին զուգահեռ կգործեն նաև փաթեթներ։
«Նախ ուզում եմ տեղեկացնել, որ մենք արդեն նախագիծ ենք ներկայացրել ավագանու որոշմանը, ըստ որի պահպանվում են բոլոր այն փաթեթները, որը քաղաքապետարանն առաջարկում է և դրան ավելանում է ևս մեկ կետ, այն է՝ մեկ ուղևորությունը 100 դրամ, այսինքն՝ բառացի այն, ինչ որ տեղի է ունենում այսօր»։
Մանրամասները՝ տեսանյութում։
Արփի Հակոբյան
